Jowai, Naiwieng 05: Ka Sub-Divisional Officer (Supply), Amlarem Sub-Division ka la pynbna paidbah ba ïa u khaw u ba hap hapoh ka NFSA (AAY & PHH) bad ka Non-NFSA na ka bynta u bnai Naiwieng la sdang ban pyllait noh sha baroh ki Fair Price Shop Dealers haduh ka 15 tarik u bnai Naiwieng, 2025.
Ïa u khaw AAY yn sam 35 kilo kawei ka longïing ym donkam siew Pisa, ïa u khaw PHH yn sam 5 kilo shikhlieh ym donkam siew Pisa bad ïa u khaw Non-NFSA yn sam 7.215 kilo shi card ha ka dor ba ym palat ïaka Rs.14/- shi kilo.
Lada don kino kino ki jaka sam rashon kiba shim da ka pisa ne bym ïoh ïa kitei ki mar jong ki, ki lah ban ujor ha ka Sub-Divisional Officer (Supply), Amlarem Civil Sub-Division, da kaba thoh shai ïa ka kyrteng bad ka shnong jong ki khnang ba yn lah ban pynshitom ïa ki.
Lah ruh ban ujor ha kine ki number harum: Sub-Inspectors – 9436110184/8731025753 lane Email: sdo_amlarem@outlook.com.
