Nongstoiñ, Naitung, 30: Ka ophis jong u Deputy Commissioner, (Supply) West Khasi Hills District, u la pyntip ba ïa u khaw rashon jong ka scheme NFSA, 2013 na ka bynta u bnai Naitung 2022 (Regular quota), la pyllait paitbah lyngba ki nongsam khaw Rashon (dealers) sha ki longïing kiba hap hapoh ka AAY, PHH bad NON-NFSA (TIDE OVER).
Ka dor na ka bynta u khaw AAY ka long 35 kilo shi card shi bnai haka dor 3 tyngka shi kilo, PHH 5 kilo shi khlieh briew, ha ka shi bnai haka dor 3 tyngka shi kilo bad NON-NFSA ki FPS ha Nongstoiñ ka long 7.21 kilo haka dor 12.00 tyngka shi kilo, Rambrai, Markasa, Pariong, bad Riangdo ka long 7.21 haka dor 12.40 tyngka shi kilo bad Shallang, Aradonga bad Maweit ka long 7.21 haka dor 13.00 tyngka shi kilo.
La bthah ruh ïa ki Wholesaler bad Fair Price Shop Dealer ba ki dei ban thew ïa u khaw da ka weighing machine bad lada don kano kano ka jingshim palat ïa ka dor ba la buh ne sam duna ïa u khaw kin sngewbha ban ai jingtip sha u Deputy Commissioner (S) Nongstoiñ.
