Shillong, Nohprah : U Sub Divisional Officer (Supply), Sohra Civil Sub Division da kane u pyntip sha ki paidbah nongbam rashon jong ka division ba ïa u khaw rashon na ka bynta u bnai Naiwieng 2022 la pyllait ha ka jingthew kaba 35 kilo shi card ha ka dor T.3/- shi kilo na ka bynta ki nongioh jingmyntoi kiba don ïa ka card AAY, 5 kilo shi khlieh ha ka dor T.3/- shi kilo na ka bynta kiba don ïa ka card PHH bad 7.215 kilo shi card ha ka dor ba la buh beit da ka Vigilance Committee ka ban ym palat ïa ka T. 15/- shi kilo na ka bynta kiba don ïa ka card Non-NFSA.Nalor kane ka jingsam kaba ju sam katkum ka bhah yn sam ruh ïa u khaw bym donkam ban siew dor uba dei lyngba ka skhim PMGKAY ha ka jingthew ka ba 5 shi khlieh na ka bynta kiba don ïa ka card AAY bad PHH na ka bynta u bnai Naiwieng 2022.
