Shillong, Jymmang: U Sub-Divisional Officer (Supply), Sohra Civil Sub-Division, da kane u pyntip sha ki nongbam rashon jong ka Division ba la pyllait ïa u khaw rashon sha baroh ki dukan sam rashon ba la ithuh da ka sorkar.
La pyllait ïa u khaw ha ka jingthew ka ba 35 kilo shi card ha ka dor T.3/- shi kilo na ka bynta ki ba don ïa ka card AAY, 5 kilo shi khlieh ha ka dor T.3/- shi kilo na ka bynta ki ba don ïa ka card PHH bad 7.215 kilo shi card ha ka dor ba la pynbeit da ka Vigilance Committee ka ban ym palat ïa ka T.15/- shi kilo na ka bynta ki ba don ïa ka card Non-NFSA na ka bynta u bnai Jymmang 2022.
Nalor kane ka bhah ka ba dei ban ïoh, na ka liang ka sorkar ka la pyllait ruh ïa u khaw bym donkam ban siew pisa lyngba ka Prime Minister Garib Kalyan Anna Yojana (PMGKAY) ha ka jingthew ka ba 5 kilo shi khlieh na ka bynta ki ba don ïa ka card AAY bad PHH, kata na ka bynta u bnai Jymmang 2022.
