Shillong, ïaïong : U Addl. Deputy Commissioner (S) i/c Sohra Civil Sub Division, Sohra da kane u pyntip sha ki nong bam rashon hapoh ka Division ba la pyllait ïa u khaw rashon ha ka jingthew ka ba 35 kilo shi card ha ka dor 3.00/- shi kilo na ka bynta ki ba don ïa ka card Antyodaya Anna Yojana (AAY) bad ha ka jingthew ka ba 5 kilo shi khlieh ha ka dorT. 3.00/- shi kilo ki ba don ïa ka card Priority House Hold (PHH), bad ha k dor T. 7.215 kilo shi card ha ka dor ba la pynbeit da ka Vigilance Committee ka ban ym palat ïa ka T. 15.00/- shi kilo na ka bynta ki ba don ïa ka card Non NFSA na ka bynta une u bnai Iaiong 2022 la pyllait sha baroh ki dukan sam rashon ba la ithuh da ka sorkar.
Nalor kane ka bhah ka ba ki ju sam, na ka liang ka sorkar ka la pyllait ruh ïa u khaw u bym donkam ban siew dor u ba wan lyngba ka Prime Minister Garib Kalyan Anna Yojana (PMGKAY) ïa ka ba yn pyllait ha ka jingthew ka ba 5 kilo shi khlieh na ka bynta ki ba don ïa ka card AAY bad PHH na ka bynta u bnai ïaïong, 2022.
Ha kajuh ka por la kyntu ïa baroh, kata kynthup ïa ki Wholesalers/FPS Dealers bad ki nong ïoh jingmyntoi ba kin bud beit ryntih h ka ba ïadei bad ki kyndon ba la pynmih da ka tnat ka koit ka khiah ka sorkar jylla, kata ban pynïajngai para briew kumba 2 mitar, ban deng ïa ki mask, ban ym biah pathar ha ki jaka paidbah, ban pyndonkam da ki dawai sait kti bad kiwei kiwei.
