Shillong, Naitung : U Additional Deputy Commissioner (Supply), i/c Sohra Civil Sub-Division, Sohra da kane u pyntip ba ïa u khaw u ba hap hapoh ka Public Distribution System (PDS) la pyllait na ka bynta une u bnai Naitung 2022 sha baroh ki dukan sam rashon ba la ithuh dak a sorkar.
ïa u khaw la pyllait ha ka jingthew kaba 35 kilo shi card ha ka dor T.3/- shi kilo na ka bynta ki ba don ia ka card Antyodaya Anna Yojana (AAY) , 5 kg shi khlieh ha ka dor T. 3/- shi kilo na ka bynta ki ba don ïa ka card Priority House Hold (PHH) bad 7.215 kilo shi card ha ka dor ba la buh da ka Vigilance Committee ka ban ym palat ïa ka T.15/- shi kilo na ka bynta ki ba don ïa ka card Non-NFSA.
Nalor kine ki bhah ki ba ju ïoh, ka sorkar ka la pyllait ruh ïa u khaw bym donkam ban siew pisa u ba hap hapoh ka Prime Minister Garib Kalyan Anna Yojana (PMGKAY) ïa u ba yn sam 5 kilo shi khlieh na ka bynta ki ba don ïa ka card AAY bad PHH tang na ka bynta une u bnai Naitung 2022.
La kyntu ïa baroh ki Wholesalers/FPS dealers kumjuh ki nong ïoh jingmyntoi ba kin beit ryntih ha ka ba ïadei bad ki kyndon ba la pynmih da ka tnat ka koit ka khiah, kata da ka ba pynïajngai kumba hynriew phut ne ar mitar, ban deng ïa ki mask, ban ym biah pathar ha ki jaka paidbah, ban pyndonkam ïa ki dawai saitkti bad kiwei pat.
