Shillong, Jymmang: Ka Deputy Commissioner (Supply), East Khasi Hills District da kane ka pyntip sha baroh ki nong bam rashon jong ka district ba ïa u khaw u bym donkam ban siew dor lyngba ka skhim PMGKAY na ka bynta ki longïing NFSA (AAY bad PHH) na ka bynta u bnai Jymmang 2022 la dep ban pyllait lyngba ki dukan sam rashong jong ki ha ka jingthew ka ba 5 kilo shi khlieh. Kumta la kyntu ïa baroh ki dukan sam rashon ba kin sam ïa kane ka bha mar ïa poi ka mar bad ruh ban wah ïa ki kyrteng jong ki nongïoh jingmyntoi bad ïa ka por treikam hapoh ki dukan jong ki.
Kino kino ki bym sam, ki ba sam duna ne sam da ka mar ba sniew dei ban pyntip sha ka ophis jong ka Deputy Commissioner (Supply), East Khasi Hills, Shillong.
