Jowai, Jylliew 07: U Deputy Commissioner (Supply) ula pynbna paidbah ba la pyllait ïa u khaw AAY, PHH bad u non-NFSA na ka bynta u bnai June, 2025 sha baroh ki wholesalers na ka bynta ban pynpoi sha ki FPS centre kiba don hapoh ka West Jaiñtia Hills District.
Ïa u khaw Antyodaya Anna Yojna (AAY) yn sam ha ka jingïoh kaba 35 Kgs shi khlieh shibnai bad ym donkam siew dor. Ïa u khaw Priority Household (PHH) yn sam ha ka jingïoh kaba 5 Kgs shi khlieh shibnai bad ym donkam siew dor.Non- NFSA yn sam ha ka jingïoh kaba 7.105 Kgs shi card shi-ïing haka dor ba la pynbeit da ka Vigilance Committee bad ym dei ban die tam ïa ka dor Rs.14/- shi kg.
U Deputy Commissioner u la bthah ïa ki FPS dealer ba ki die ban wan shim ïa ki permit na ka ophis Supply bad ban sam pyndep ïa u khaw hapoh 10th July, 2025 khlem pep da kaba pyndomkam ïa ki e-pos machine da ka online mode.
