Jowai, Naitung 11: U Deputy Commissioner (Supply) ka West Jaiñtia Hills Disrict ula pynbna paidbah ba la pyllait ïa u khaw AAY, PHH bad u Non-NFSA na ka bynta u bnai July, 2024 sha baroh ki wholesalers na ka bynta ban pynpoi sha ki FPS centre hapoh ka District.
Antyodaya Anna Yojna (AAY) khaw yn sam ha ka jingïoh ka ba 35 Kgs shi khlieh shibani bad ymdonkam siew dor (free of cost). Ïa u khaw Priority Household (PHH) yn sam ha ka jingïoh ka ba 5 Kgs shi khlieh shibnai bad ym donkam siew dor.
Kata u khaw Non- NFSA yn sam ha ka jingïoh kaba 7.105 Kgs shi card/ïing ha ka dor ba la pynbeit da ka Vigilance Committee bad ym dei ban die tam ïa ka dor Rs.14/- shi kg.
U Deputy Commissioner ula bthah ïa ki FPS dealer ba ki die ban wan shim, ïa ki permit na ka ophis jong u Deputy Commissioner (Supply) bad ban sam pyndep hapoh 10th August, 2024 khlem pep da ka ba pyndomkam ïa ki e-pos machine da ka online mode.
