Amlarem, Jylliew 13: Ka ophis u Sub-Divisional Officer (Supply) jong ka Amlarem Sub–Division kala pynbna paidbah ïa ka bhah jong u Khaw rashon (AAY, PHH) bad Non-NFSA jong u bnai Jylliew, 2023 bad la dep pyllait sha ki dukan Fair Price Shop haduh ka 15 tarik u Jylliew, 2023.
Na ka bynta ka bhah jong u khaw AAY yn sam 35 kilo shi sha manla kawei ka thliew ïing bad ïa ka bhah jong u khaw PHH – yn sam ha ka jingthew kaba 5 kilo shi khlieh khlem donkam ban siew pisa, katba ïa u khaw Non-NFSA yn sam ha ka dor kaba ym dei ban palat ïa ka Rs.14.00 tyngka shi kilo.
