Amlarem, Nailur 12: Ka ophis Sub-Divisional Officer (Supply) jong ka Amlarem Sub–Division ka la pynbna paidbah ba ïa u Khaw uba hap hapoh ka PMGKAY Scheme na ka bynta u bnai September, 2022 la pyllait sha baroh ki longïing hapoh ka NFSA (AAY & PHH) naduh mynta ka sngi haduh ka 15 tarik u bnai September, 2022 katkum kine ki kyndon harum.
Na ka bynta u khaw AAY, kan long 5 kilo shikhlieh, ym don kam siew pisa, katba ïa u khaw PHH kan long 5 kilo shikhlieh khlem don kam siew pisa. Lada don kino kino kiba shim da ka pisa ne ki bym ïoh ïa kitei ki mar jong ki, ki lah ban ujor sha ka ophis jong ka S.D.O, (Supply) da kaba thoh shai ïaka kyrteng bad ka shnong jong ki khnang ba yn lah ban pynshitom ïa ki. Ki nongïoh myntoi ki lah ruh ban ujor ha kine ki Number Sub-Inspectors – 8414806738/9436110184/8731025753.
