Shillong, Naiwieng :Ka Deputy Commissioner (Supply), East Khasi Hills District, da kane ka pyntip sha baroh ki nongbam rashon jong ka district bad ïa u khaw rashon uba hap hapoh ka NFSA, Non-NFSA kumjuh ïa u atta uba dei na ka bynta mynta u bnai Naiwieng 2022 la pyllait lyngba ki dukan sam rashon jong ki.
ïa u khaw uba hap hapoh ka NFSA yn pyllait ha ka jingthew kaba 35 kilo shi card ha ka dor T.3/- shi kilo kata na ka bynta kiba don ïa ka card AAY bad 5 kilo shi khlieh ha ka dor T.3/- shi kilo na ka bynta kiba don ïa ka card PHH, katba ïa u khaw uba hap hapoh ka Non-NFSA yn sam ha ka jingthew kaba 7.215 kilo shi ïing ha ka dor T. 12.70/- haduh T. 13.00/- shi kilo.
Katba ïa u Atta yn pyllait ha ka jingthew kaba 5 kilo shi card ha ki jaka sor bad 3 kilo shi card ha ki thaiñ nongkyndong, kata ha ka dor T. 10.50/- shi kilo.
La kyntu ïa baroh ki dukan sam rashon ba ki dei ban sam noh mardor ïa kine ki mar bam mar ïa poi ka mar bad ruh ban wah ïa ka list jong ki nongïoh jingmyntoi kumjuh ïa ka por treikam hapoh ki dukan jong ki.
Na ka liang ka Deputy Commissioner (Supply) ka buh ruh ka jingkyrpad sha baroh ki nong ïoh jingmyntoi ba kin phah ïa ki Aadhaar nombor jong ki sha ki dukan sam rashong na ka bynta ka jingpynïaid beit ïa ka jingtreikam jong ka e-POS device.
Kino kino ki bym sam ïa ki mar lane kiba sam duna ne pynioh da ki mar bam kiba sniew dei ban pyntip sha ka ophis jong katei ka heh ka District.
