Shillong, Jymmang 22: Ka ophis Deputy Commissioner (Supply), East Khasi Hills District ka la pyntip ba u khaw NFSA (AAY bad PHH) bad Non-NFSA bad u Atta jong u Jymmang 2025 la sdang ban pyllait sha baroh ki dukan sam rashon.
Ka bhah jong u khaw AAY ka long 35 kilo shi card bad PHH ha ka jingthew kaba 5 kilo shi khlieh khlem siewdor. Ïa u khaw Non-NFSA yn sam ha ka jingïoh kaba 7.105 kilo shi ïing ha ka dor T. 12.70/- haduh T. 13.00/- shi kilo.
Ïa u atta yn sam 5 kilo ha sor bad 3 kilo shi card ha nongkyndong ha ka dor T. 10.50/- shi kilo.
La bthah ïa baroh ki nongsam rashon ban sam noh mardor sha baroh ki nongïoh bynta bad ban wah ïa ki kyrteng jong ki nongïoh bynta bad ka por ban sam ïa ki marbam ha ki dukan jong ki. La kyntu ruh ïa baroh ki nongïoh bynta na ka bhah NFSA ban ai ïa ka Aadhaar Number jong ki ha ki nongsam rashon na ka bynta ka jingïaid beit ïaid ryntih jong ka jingsam rashon lyngba ka kor ePOS bad kumjuh ruh ban shim ïa la ka jong ka bhah rashon ha lane shwa ka 31 tarik Jymmang, 2025.
Lada don kino kino ki nongsam rashon ki bym sam, lane sam palat ïa ka dor ba la buh lane ai duna ïa ka bhah lane ai da ki marbam bym biang, dei ban pyntip sha ka ophis Deputy Commissioner (Supply), East Khasi Hills District, Shillong.
