Amlarem, Rymphang 10 : U Sub-Divisional Officer (Supply), Amlarem Sub-Division ula pynbna paidbah ba ïa u khaw NFSA (AAY & PHH) bad Non-NFSA na ka bynta u bnai Rymphang, 2025 la sdang ban pyllait sha baroh ki Fair Price Shop Dealers haduh ka 15 tarik, Rymphang, 2025 katkum kine ki kyndon harum.
Ka bhah jong u khaw AAY kan long 35 kilo kawei ka longïing (ym donkam siew pisa). Ïa ka bhah u khaw PHH kan long 5 kilo shi khlieh (ym donkam siew pisa) katba ïa ka bhah u khaw Non-NFSA kan long ha ka jingthew kaba 7.215 kilo shi Ration Card ha ka dor ba ym palat ïa ka T. 14 shi kilo.
Lada don kino kino kiba shim da ka pisa ne ki bym ïoh ïa u khaw kat kumba la kdew haneng ki lah ban ujor ha u Sub-Divisional Officer (Supply), Amlarem Civil Sub-Division, da kaba thoh shai ïa ka kyrteng bad ka shnong jong ki khnang ba yn lah ban pynshitom ïa kiba shim kabu. Lah ruh ban ujor ha u nombar: Sub-Inspectors – 9436110184/8731025753 lane phah ïa ka jingujor email: sdo_amlarem@outlook.com
