Jowai, Jymmang 05: U Deputy Commissioner (Supply) ka West Jaiñtia Hills District, ula pynbna paitbah ba ïa ka bhah jong u khaw Antyodaya Anna Yojna (AAY), Priority House Hold (PHH) bad Non-NFSA na ka bynta u bnai Jymmang (May) jong ka snem 2022 la pyllait sha ki dukan Wholesalers na ka bynta ban pynpoi sha ki F.P. Shop Center kiba don hapoh District naduh ka 4 tarik u Jymmang haduh ka 15 tarik u Jymmang 2022.
Ïa u khaw Antyodaya Anna Yojna (AAY) yn sam ha ka jingthew 35 kilo shi khlieh manla ki F.I Card ha ka dor 3 tyngka shi kilo ha sor bad nyngkyndong.
Na ka bynta u khaw Priority House Hold (PHH) yn sam ha ka jingthew ba 5 kilo shi khlieh shi bnai ha ka dor 3 tyngka, katba ïa u khaw Non-NFSA yn sam ha ka jingthew kaba 7.215 kilo manla kawei ka thliew ïing ha ka dor ba la pynbeit kaba long 14 tyngka shi kilo ha sor bad nongkyndong.
Kumta la bthah ïa baroh ki Fair Price Shop Dealers ba ki dei ban sam pyndep ïa u khaw PMGKAY hapoh ka 30 tarik Jymmang 2022 da kaba pyndonkam ïa ki e-Pos machine ha ki Centers jong ki.
