Jowai, Nailur 10: U Sub-Divisional Officer (Supply), Amlarem Sub-Division ula pynbna paidbah ba ïa u khaw uba hap hapoh ka NFSA (AAY & PHH) bad ka Non-NFSA naka bynta u bnai September, 2025 la sdang ban pyllait noh sha baroh ki Fair Price Shop Dealers haduh ka 15 tarik u bnai September, 2025 katkum kine ki kyndon harum.
Na ka bynta ka bhah jong u khaw AAY yn sam haka jingthew kaba 35 kilo kawei ka longïing (ym donkam siew Pisa).
Ïa ka bhah u khaw PHH ka long 5 kilo shi khlieh (ym donkam siew Pisa). Katba ïa u khaw Non-NFSA ka long 7.215 kilo shi card ha ka dor ba ym palat ïa ka Rs.14/- shi kg.
Lada don kino kino kiba shim da ka pisa ne ki bym ïoh ïa kitei ki mar jong ki, ki lah ban ujor ha u Sub-Divisional Officer (Supply), Amlarem Civil Sub-Division, da kaba thoh shai ïa ka kyrteng bad ka shnong jong ki khnang ba yn lah ban pynshitom ïa ki. Lane lah ruh ban ujor ha kine ki number harum:- Sub-Inspectors – 9436110184/8731025753, Email: sdo_amlarem@outlook.com.
