La plie pyrda ïa ka jingrakhe dap 50 snem ka Directorate of Educational Research and Training

Shillong, Risaw 11: Ka Directorate jong ka Educational Research and Training (DERT), Meghalaya, Shillong, ka la plie pyrda ban rakhe ïa ka jingdap 50 snem (1976-2026) ka jong ka ha ka 10 tarik u Risaw 2025, ha ka ophis treikam ka jong ka ha Nongrimmaw, Laitumkhrah, Shillong.
Ka phang pdeng jong kane ka jingrakhe ka dei: “Honouring the past, Empowering the present and Shaping the future.”
La plie ïa kane ka Jubilee Ksiar da u Myntri jong ka tnad Pule Puthi, u Bah Lahkmen Rymbui kum u Kongsan, u Vijay Kumar Mantri, IAS, Commissioner Secretary jong ka sorkar jylla, Education Department kum u Symbud kongsan bad u Bah Ryntihlang Rapthap, IAS Commissioner Secretary jong ka sorkar jylla, Education Department kum u kongsan ba kyrpang ryngkat bad kiwei ki heh sorkar, ki nonghikai bad kiwei kiwei.
Ïa kane ka Directorate la seng ha ka 4 tarik u Risaw jong u snem 1976, bad kum ka shnat treikam ka la lah ban pynïoh ïa ki jinghikai ba kyrpang (training) na ka bynta ki nonghikai. Lyngba ka jingïaid jong ka por, ka la pynwandur ruh ïa ki curriculum, ki exam bapher bapher bad ki rukom wad bniah (research) kiba thymmai kiba ïadei ha ka pule puthi.
Ha kine ki 50 snem, ka DERT ka la lamkhmat ha ka jingpynïar ïa ka rukom ai jinghikai bad ïarap ban kyntiew ïa ka pule puthi ha ka jylla hi baroh kawei.