La plie ïa ki jingpynrung kyrteng ïa ki nongthoh khubor na ka bynta ka India Energy Week 2026
Shillong, Naiwieng 24: Mynta la plie ïa ki jingpynrung kyrteng ïa ki nongthoh khubor na ka bynta ka India Energy Week (IEW) 2026, ka ban long naduh ka 27-30 tarik Kyllalyngkot ha ONGC – Advanced Training Institute kaba don hajan Betul ha South Goa. Ki nongthoh khubor ki lah ban pynrung kyrteng ha: https://www.indiaenergyweek.com/media-center/media-registration.
Ka IEW 2026 kan long ka jingïalang kaba heh tam kaba ïadei bad ka kam bording ha une u snem, kaba wanrah lang palat 75,000 ngut ki riew shemphang ha ka kam bording, palat 550 ngut ki nongkren na kylleng ka pyrthei bad palat 120 tylli ki jingïalang. Ha kane ka jingïalang yn don ki jingïakren ba kongsan bad ki nongïalam ha ka kam bording ha ka pyrthei halor ka jingïatreilang ha ka kam bording, ka jingryntih, ka jinglong nongïalam, ka jingbei tyngka bad ki lad digital.
Ka exhibition kan pyni ïa palat 700 ngut ki nongpyni na ka pyrthei bad na ka ri, palat 12 tylli ki jaka kyrpang jong ki ri bad 12 tylli ki jaka ba don ki phang, kaba ai ka jingsngewthuh ba pura ïa ki jingsaiñdur thymmai ha ki bynta bapher bapher jong ka kam bording.
Ki nongthoh khubor kiba ïashim bynta kin ïoh lad ban ïoh ïa palat 70 tylli ki Strategic Conference, ka jingpyni ba pura, ki lad ban ïakynduh bad ki nongïalam jong ka pyrthei, ki jingïalang ba man ka sngi bad ka jaka ba kyrpang na ka bynta ki lad pathai khubor.
Ki lad pathai khubor kidei ka khmat bad ki shkorna ka bynta ki nongshongshnong jong ka ri synsharpaidbah. Katba ngi dang rakhe ia ka National Press Day, hapdeng ka jingkiew jong ki jingtip ba ialam bakla ha ka juk jong ka AI, ka jingiada ia ka jingshaniah ha ki lad pathai khubor ka long kaba kongsan bha na ka bynta ban pynkupbor ia ki nongshong shnong. Kane ka jingsngew ka la mih na ki nongiashim bynta kum ka jingsngewkhia ha ka jingialang kaba la pynlong ha National Media Centre ha New Delhi mynta ka sngi. Ha kaba iadei bad ka phangpdeng mynta u snem- “Ka jingïadaïa ka jingshaniah ha ki kot khubor hapdeng ka jingkiew ki jingtip ba ialam bakla”, ka Chairperson jong ka PCI ka Justice (Rt.) RanjanaPrakash Desai ka la ong, “Ka AI kam lah satia ban wan bujliïa ka jingmut jingpyrkhat jong u briew”. Ka jingbishar, ka jingsngewthuh bad ka jingsngew kitkhlieh kaba ialam ia uwei pa uwei u nongthoh khubor ka dei ban khanglad ia ka jingsaphriang jong ki jingtip kiba ialam bakla.