Mawkyrwat, ‘Nailar 20 : U Additional Deputy Commissioner jong ka South West Khasi Hills District katkum ka hukum ne jingpynbna ba la dep ban ai ha ka 2 tarik u ‘Nailar, 2022 ba la khang pyrshah ban pyndonkam ïa ki mar ba la shna da ka plastik.
Namarkata, u Additional Deputy Commissioner jong ka South West Khasi Hills District lyngba ka shithi ba la phah jingpyntip kaba ïa dei bad katei ka hukum la dep ban ai jingbthah sha baroh ki nongshong dukan bad ki nongshong ïew shong hat hapoh South West Khasi Hills District ba la khang pyrshah ban pyndonkam ïa ki mar ba la shna da ka plastik kum ki pliang, pela, ki klat, ki shamoit, jingkhlong shkor, dieng plastik, lama plastik, jingbat sweet meat bad jingbat ice cream.
Nangta, ki pla plastik ba thep tiar (plastic bags) halor kane la kyntu ba ki nongpyndonkam kin pyndonkam noh da ki pla jaiñ, ki sla bad ki pla kot (paper bags), ki siej, ki tiar steel bad kiwei kiwei ki bym dei ki tiar plastik. Shuh shuh la kdew ba ki tiar pynriam itynnad (decoration) ba la shna da u thermocol, ki jingsop Sweet meat, invitation card bad jingsong sikret bad ki plastik banner kiba duna ïa ka jingrben kaba 100 micron bad kiwei kiwei de.
Namarkata, ka ophis jong u Deputy Commissioner, South West Khasi Hills District kan ai por ban pynkhuid ne pynphai noh sha ki supplier ia kitei ki plastik ba la kdew haneng haduh 27 tarik Nailar, 2025.
