La khot aplikeshon na ka bynta ka jingïakop ba 9 halor ban pynmih ki Phlim Lyngkot

Mawkyrwat, ‘Nailur 14: U Deputy Commissioner jong ka South West Khasi Hills District, Mawkyrwat u la ai kane ka jingpynbna kaba wan na u Secretary jong ka Meghalaya Human Rights Commission ha kaba la khot applikeshon na ka bynta ka jingïakop kaba 9th jong ki phlim lyngkot halor ka human rights bad ka tarik kaba khatduh ban pdiang ïa ki aplikeshon kan long ha shwa lane ha ka 30 tarik u Nailur, 2023 bad ïa ki entries dei ban phah online ha nhrcshortfilm@gmail.com da kaba pyndonkam da ka Google Drive folder. Ki phlim lyngkot ki dei ban long ha ki kyntien jong ki nong India da kaba bynrap bad ki sub titles ha ka ktien phareng ne Hindi bad ka por kam dei ban duna ïa ka 3 minit ne tam ïa ka 10 minit.
Ka jingthmu jong kane ka award scheme ika long ban pynshlur ha ki kam pyni cinema bad ki sap ki phong jong ki nongshong shnong ha kano kano ka rt ana ka bynta ban kyntiew bad ban ïada ïa ka human rights.
Ka khusnam na ka bynta kiba wan nyngkong, ba ar bad ba lai ka long T. 2 lakh, nangta T. 1 lak 50 hajar bad T. 1 lakh ter ter. Nalor kitei, ki cash prize, ki certificates bad trophies, ka Commission ka lah ban ai kyrpang, ki certificate ryngkat bad ka cash prize kaba T. 50 thousand kawei ïa ki katto katne ki phlim ba la shah jied.