La khang pyrshah ka Pynursla Sub-Division ban pynja khlia ïa ki wah kiba tuid sha Wah Umngot

Shillong, Nohprah 18: Ka Sub-Divisional Magistrate jong ka Pynursla Civil Sub-Division, ka kong EL Warjri, kala pynmih ia ka jingkhang pyrshah hapoh ka Section 163 jong ka Bharatiya Nagarik Suraksha Sanhita (BNSS) ban iada na ka jingpyn jaboh ia um ki wah kiba don hapoh jong u pud u sam jong ka.
Ka hukum, kan treikam mardor, da kaba khang ban bret ia ki jaboh jabain bad la ong ba ym shah iano iano ban bret ia ki jaboh, ki jaboh, ki plastic, ki dawai, lane ki jingpyn jakhlia sha ki wah, ki wahduid, ki pung, ne ki tyllong um dih.
Kane ka hukum ka la kdew ruh ba la khang pyrshah ban sait ïa ki kali, ki jain, ne ki tiar ha ki um paidbah bad la khang pyrshah ban pyntuid ïa ki jaboh jabaiñ na ki karkhana ne ki jaka khaii kum ki iew ki haat sha ki um kiba ka mariang kala ai.
Ka jingthmu ba kongsan jong kane ka hukum ka long ban iada ia ka koit ka khiah jong ki paidbah, ki kynja ba im kiba shong ha ki um bad ki wah bad ka jingpynneh pynsah ia ka mariang, namar ka jingjaboh ka buh jingma kaba khraw ia ki wah kiba tui sha ka wah Umngot.