Nongstoiñ, Nailur, 20: U Deputy Commissioner ka West Khasi Hills bah Garod LSN Dykes IAS, u la pyntip ba ka Animal Welfare Board of India, ka la ai ïa ka hukum ban pynsangeh noh ïa ka jingpyndonkam ïa ki Glue Trap ban kem ïa ki khnai, kaba long pyrshah ïa ka Prevention of Cruelty of Animals Acts, 1960. Kumta katkum kane ka hukum, la khang ruh ban shna ne ban die ïa kine ki tiar hapoh ka District. Ïa kiba ïaleh pyrshah yn pynshitom katkum ka aiñ bad kane kan treikam noh mardor naduh ba la pynmih ïa kane ka hukum.
