Jowai, Nohprah 18: U District Magistrate ka West Jaiñtia Hills ula pynjari biang ïaka hukum Section 163 BNSS Dt. 1/04/2025, kaba khang pyrshah ban pynjakhlia ne pynjulor ïa ki bynta ka Wah Myntdu bad ki sawdong sawkun jong ka.
Kane ka hukum ka khang pyrshah ban tih maw ha baroh shilynter ka Wah Myntdu, la khang pyrshah ban sait jaiñ, sait kali, bret jakhlia ne theh khyndew na ka jingshna surok bad ki jingtei ïing sha ki bynta ka wah.
La khang pyrshah ban bret pathar ïa ki kynja plastic kiba lah ban ktah ïa ka wah bad pynjaboh ïa ki sawdong sawkun jong ka Wah Myntdu kaba long ka nongbsa umbam umdih ïa ka sor Jowai
Kane ka hukum kan treikam noh mardor tad haduh ban da pynmih da kiwei pat ki hukum.
