Mairang, Naiwieng 21: Kum shibynta ban bud ryntih ïa ki kyndon jong ka ain Prevention of Cruelty to Animals Act, 1960, da kane la pyntip paidbah sha baroh ki nongshongshnong hapoh Eastern West Khasi Hills District ba la khang pyrshah ia kano kano ka rukom lehbeiñ bad banbein ia ki mrad kum ka jingpynïadur masi bad kumta terter ha kino kino ki jingialum paidbah kum ki fete bad kiwei kiwei de ki jaka pynbyrngia paidbah.
ïa kane la pyntip paidbah da u DC ka Eastern West Khasi Hills District, Mairang.
Lah ban kdew hangne ba ka Eastern West Khasi kadei ka thaiñ kaba jur bha ka jingpynïadur masi khamtam ha ka por ba pynlong fete, ha kaba da ki hajar ki paidbah ki ju tuid ban leit peitkai bad khamtam ban ïathong kaba ju poi daki hajar bad don ruh ba poi daki lak tyngka.
Ka Eastern West Khasi Hills kadei ruh ka District kaba nyngkong eh ruh ha ka jylla kaba la pynmih da ka hukum ban teh lakam ïa ka jingpynkhwai pathar da ka dor kaba heh, ha kaba ha kine ki bnai baladep, u DC u la pynmih ïa ka hukum ban khang pyrshah ïa ka jingpynkhwai kaba ai Prais palat ïa ka 1 lak tyngka bad ka dor bai rung kaba palat 100 tyngka uwei u ryngwiang.
