Khliehriat, Jylliew, 22: U Deputy Commissioner ka East Jaiñtia Hills District ula pyntip ba katkum ka Plastic Waste Management (Amendment) Rules, 2024 ryngkat ka jingbthah jong ka High Court, Meghalaya ha kaba ïadei bad ka mukotduma PIL (Phuyosa Yobin Vs State of Meghalaya & anr), la khang ban pyndonkam ïa ki plastic kiba rben ïa ka 120 Micron khamtam kito kiba pyndonkam shisien bad bret noh.
La bthah ba baroh ki trai dukan, ki Whole Seller, ki Supplier bad ki nongdie hapoh ka East Jaiñtia Hills District kiba la dep ban thied bad don ïa ki plastic kiba rben ïa ka 120 Micron ki dei ban pynphai ïa ki sha ki sha ki jaka ba ki thied lane lah ruh ban bret ïa ki ha ka rukom kaba ym don jingktah.
La ai por ban pynphai sha ki jaka ba thied, hashwa ka 30 tarik Jylliew 2025 bad ban pynduh noh ïa ki ha ki ïew ki hat lym kumta yn wan ban kurup hi noh da ki Executive Magistrate jong ka district.
