La jied thymmai ïa ki nongkitkam ka Seng Kur Le Kyllung
![](https://mawphor.com/wp-content/uploads/2022/05/mawphor-1.jpg)
Shillong, Risaw 27 : Ka General Meeting kaba kyrpang jong ka Seng Kur Le Kyllung (Rymbai, Toi, Najiar) kaba la long ha ka 24 tarik mynta u bnai ka la ïoh ban pynthymmai ïa ki nongkitkam bathymmai jong ka, kiba kynthup ïa u President Dr. B. Ps Toi, Vice President Reward N. Rymbai bad Chirup Toi, General Secretary Malcolm Najiar, Asst Genl Secretary Iarap Toi, Joint Secretary Mamechwa Rymbai, Treasurer Wailuti Rymbai bad Auditor Goldman Najiar.
Na ka liang ka Seng Kur ka ai khublei kyrpang ïa baroh ki para Kur kiba lah ban ïa poi lang sha kane ka jingïalang bad pynpaw ruh ka jingkmen ban pyntip ba ka Seng Kur ka la kynjoh sha ki 60 tylli ki snem naduh ba la sdang ban seng ïa ka ha ka 25 tarik u Nailar 1963.Kane ka long katkum u kyrwoh lyngba u President.
Da ka Fit India Run yn pynlong ka ophis u DSO ha Ri-Bhoi
Nongpoh, Risaw 27: Ka ophis jong u District Sports Officer Ri-Bhoi District haka jingïatreilang bad ka bor district kan sa pynlong da ka Fit India Run 4.0 haka 31 tarik Risaw 2023 naduh ka por 7 baje mynstep ban sdang na Saiden Indoor Stadium bad pynkut pat ha NSCA Indoor Stadium Umlyngkdait.
La pyntip ruh ïa baroh kiba kwah ban ïa shim bynta ha katei ka jingmareh thong ba kin register ïalade ha ophis u DSO bad ka tarik ba khatduh ban pdiang kan long ha shuwa ka 30 tarik mynta u bnai naduh ka por 10 baje mynstep haduh ka por 4 baje janmiet bad la kyrpad ruh ïa baroh ki nongïashim bynta ba kin rah ruh ki EPIC jong ki haka sngi mareh bad naka liang ka ophis u DSO kala pynkhreh ruh ïaki khusnam pisa naka bynba ki nongjop.