Shillong, Jylliew: ïa ka ‘Statutory Conference’ ka ba ar jong ka Meghalaya Retired College Teachers Associa-tion (MRCTA) la pynlong ha kane ka 11 tarik mynta u bnai hapoh Women’s College, Shillong, hapoh ka jingpynïaid jong ka B. Ingty, President of MRCTA.
Ha kane ka jingïalang la ïoh ruh ka jingkren pdiang na ka Dr. Ratnadeep Roy, Principal ka Women’s College bad la wan ïashim bynta lang da ki ba bun ki nonghikai ba la shongthait ki ba hapdeng ka rta 60 haduh 90 snem rta.Ha ka jingïalang la iakren ruh halor ki mat ki ba ïadei bad ki nonghikai ki ba la shongthait.
Ha kane ka sngi la ïa don lang ruh u Prof. B. Parthasarathy, General Secretary jong ka All India Federation of Retired University and College Teachers’ Organisations, AIFRUCTO, u ba la ai ruh ïa ka jingkren hapdeng ki dkhot bad pynshai ruh halor ki jingïakhih jong ki nonghikai ba la shongthait hapoh ka ri. Ha kajuh ka por u la kren ruh halor ka jingbanbor da ki kynhun shimet bad ki kynhun ki ba don ka jingïadei bad ka sorkar ban tuklar halor ki kam ki ba iadei bad ka pule puthi bad ka jingbym shim jingkitkhlieh jong ki sorkar halor kane ka bynta da ka ba riehtngen hapoh ka shatri jong ka NEP 2020.
Shuh shuh ha kane ka sngi la ïoh ruh ban jied ïa ki nongkitkam bathymmai jong kane ka seng na ka bynta ka samoi treikam ka ban wan.Kine ki kynthup ïa u President Dr. K. D. Ramsiej, Vice President Dr. W. R. Kharlukhi, MP, Prof. (Smt.) SuklinSyiem, Prof. P. S. Dkhar, General Secretary Prof. H. Syiem, Joint Secretary Prof. T. S. Rajee, Prof. Louis Pyngrope, Treasurer Prof. Swapan Kr. Roy, Executive Members Prof. Don Kupar War, Dr. Malay Dey, Prof. (Smt.) Sela N. Khathing, Prof. N. B. Rai, Prof. (Smt.) L. P. Shadap, Prof. Pyntngen S. Marpna bad Prof. (Smt.) Anju Joshi.Kane ka long katkum u kyrwoh lyngba Dr. M. N. Bhattacharjee, General Secretary (Outgoing) MRCTA.
