Khliehriat nailar 14: Ka Khliehriat Bar Association (KBA) East Jaiñtia Hills District myn ha ka 13 tarik u nailar ka la ioh pat sa shisien ban pynlong ïa ka General Election ha kaba jied ïa ki nongkitkam kiba thymmai ki ban trei na ka bynta ka samoi treikam jong u snem 2025-2027.
Ha ka jingïa jied ïa ki nongkitkam jong ka Khliehriat Bar Association, ka Muktiar, ka kong Miranda. S. Bareh ka la shah jied kum ka President, Ka Muktiar Aida Mary Nongtdu kum ka Vice President, u Muktiar Wandajop D Sympli kum u General Secretary, Ka Muktiar Rimeca Lyngdoh kum ka Assistant general secretary, Ka Muktiar Rimaya Mannar kum ka Finance secretary, U Muktiar Pynshai Kupar M Dkhar kum u Publicity Secretary, Ka Muktiar Timidis Pakem kum ka Office Cum Library Secretary bad la jied ruh lai ngut ki dkhot jong ka Executive kiba kynthup u Muktiar N.D Sarkar, Ka Muktiar Esther Nongtdu bad u Muktiar Ialamiki Suchiang.
Ïa kane ka General Election jong ka Khliehriat Bar Association la pynïaid da ka Independent Election Committee hapoh ka jingïalam u Muktiar Kerlang Ksoo kum u Chairman jong ka election committee, ka Muktiar Ridein Satein Secretary bad ka Muktiar Shimnika Dkhar kum ka dkhot jong ka Committee.
Ia ka jingjied la pynlong da ka jingiathep vote ( Secret ballot) ha Video conference room ka District & Sessions Court building Khliehriat, kane ka long katkum u kyrwoh ba la phah da u Publicity Secretary Khliehriat Bar Association, u Muktiar Pynshai Kupar M Dkhar.
