Shillong, Jylliew: Ha ka 21 tarik u Jymmang ba la dep na ka liang ka Dorbar Shnong Lumshatsngi Kech’s Trace ka la pynlong ïa ka jingïalang paidbah jong ki kynthei baroh ki ba dei na kane ka shnong na ka bynta ban jied ïa ki nongkitkam jong ka Seng Kynthei ka ba long ruh ka shnat treikam jong ka dorbar shnong.
Ha kane ka jingïalang ba la pynïaid da u Rangbah Shnong, Bah KB Nongbri la wan ïashim bynta shitrhem da ki longkmie bad ki kynthei samla na baroh ki sawtylli ki dong jong ka shnong.Kane ka jingwan ïashim bynta jong ki kynthei ha kane ka jingïalang kan sah jingkynmaw ha ka histori jong ka dorbar shnong ka ba la ïoh ia ka kyrteng thymmai kum ka Dorbar Shnong Lumshat sngi Kench’s Trace.
Ki nongkitkam ba la jied ha kane ka jingïalang ba la pynlong hapoh RLSSCO Community Hall Lumshat sngi ki kynthup ïa i President Kong C.Basaiawmoit, V.President I. Lyngdoh Nonglait, Secretary Kong D.Nongkhlaw, Asstt Secy DV Nongkynrih, Treasurer N.Shadap, Social & Cultural V.Rabon, Publicity B.Rynjah, Vigilance Secretary Kong V Rabon (New Kench’s Trace), Kong T.Lanong (Inverneil), Kong D.Passah (Upper Kench’s Trace bad Kong L. Shullai (Pdengshnong). Kane ka long katkum u kyrwoh lyngba u Bah KB Nongbri, Rangbah Shnong.
