La buh ïa ka control Room ha DC Ophis ha EKH bad Khliehriat na ka bynta kane ka MDC Election

Khliehriat, Rymphang 03: Na ka bynta kane ka MDC Election sha Jaiñtia Hills Autonomous District Council, ki bor District jong ka East Jaiñtia Hills District mynta ka sngi ki la pynmih da ka jingpynbna ba ka la don ka Control Room ha ophis jong u Deputy Commissioner ha Khliehriat ka ban treikam baroh 24 kynta (24×7 Call Centre).
La ong ba lada don kino kino kiba kwah ban wad jingtip lane kino kino kiba don ki jing ujor na ka bynta kane ka MDC Elcetion ki lah ban phone ha u number Control Room No: 70859-92870.
Kane ka long katkum ka jingpyntip na u District Election Officer (DEO), East Jaintia Hills District.
Kumjuh ruh khnang ban ïaid beit ïaid ryntih ka jingpynlong ïa ka election MDC sha ka Khasi Hills Autonomous District Council (KHADC) labuh ïa ka Control Room ka ban treikam 24 x 7 ha ka ophis jongka Deputy Commissioner East Khasi Hills (EKH) ha ka kamra 217. Ki telophone number ba la buh ban phone ha kano kano ka por ki long 0364-2501109 bad 2501203.