Shillong, Rymphang 24: U Myntri ba dei peit ïa ka tnad kam bording u Bah Metbah Lyngdoh haba jubad ïa ka jingkylli ba la wanrah da u bah Paul Lyngdoh haba ïadei bad ki jaka pynmih bording la ong ba ïa ki trai jaka la ai kam ai jam kum ki nongtrei ba pura.
U Myntri u la ong ba katba um pat ïoh ïa ka jingmynjur ban don ki kam kiba lait ka sorkar ka thung shwa ïa ki shipor bad hadien ba la ïoh ïa ka jingmynjur ïa ki kam ba lait ka sorkar kan sa pynskhem ïa ka kam kaba ki trei kane ka long ba ka sorkar ka ïarap namar ba ki la ai ïa ka jaka ban shna ïa ki jaka pynmih bording.
Ha ka jingjubab bynrap U Myntri Rangbah ka jylla u la ong ba kan nym don kano kano ka jingktah ïa ka jingtrei kam ba man ka sngi namar ba ki ki dei kiba trei ha ka jaka ba don ka jaka pynmih bording elektrik.
U Myntri Rangbah u la ai nuksa kum ka Leshka ki don 69 ngut kiba ka sorkar ka la thung kum ki nongtrei ba pura, 72 ngut kiba trei kontrak na kine 70 ngut ki dei na katei ka thaiñ bad 2 ngut ki dei na kawei pat, ha Umïam ki don 29 ngut, 26 ngut ki dei na katei ka thaiñ bad 3 ngut na shawei pat kiba dei ki nongtrei ba pura 12 ngut kiba trei kontrak na kine 2 ngut ki dei na shawei pat ki jaka.
