Nongstoiñ, Lber 28: Na ka bynta ban pynkhlaiñ ïa ka party hashuwa ka election ha u snem ban wan, ka Hill State People Democratic Party Ri Muliang Zone, kan pynlong ïa ka jingïalang ha ka shnong Tynghor.
Ha u kyrwoh ba la pyllait da u bah Pningstar Wanñiang, la ong ba katei ka jingïalang yn ïa tai sani kumno ban pynkhlaiñ ïa ka party bad ban lum biang ïa ki nongkyrshan kiba la saphret ha kine ki snem ba la dep. Utei u nongïalam ka party u la ong ruh ba ha katei ka sngi ka party ka khot sngewbha ïa barh ki nongkyrshan ba kin ïa poi ha katei ka jingïalang.
