Nongpoh, Lber, 21: Ka Ri Bhoi College ryngkat ka jingïatrei lang bad ka Nehru Yuva Kendra Sangathan (NYKS) lem bad ka NSS unit ka Ri Bhoi College, ki la pynlong ïa kawei na prokram ba la tip kum ka ‘District-Level Viksit Bharat Youth Parliament’, kaba dei ka prokram kaba ki la ailad ïa ki samla ban pynpaw halor ka phang, “One Nation, one election” ba la pynlong mynta ka sngi ha Ri Bhoi College.
Kum ba kdew, ka Viksit Bharat Youth Parliament’ ka dei kawei na ka prorkam ka sorkar pdeng ba la wan rah kyrpang na ka bynta ki khun samla ka ri bad la ai lad ai lynti ruh ïa ki samla ka ri ba kin ïoh ïa kata ka rynsan ban shim bynta ha ki kam sain hima sima bad ban ïoh ïa kata ka hok kumba la pynkubor da kane ka ri synshar paidbah.
Ha kane ka prokram kyrpang la shim bynta da kita ki nongbishar ba kyntup ïa ka Dr. Elizabeth Kharkongor, Principal ka Ri Bhoi College; u Bah Matthew Kenneth Makdoh; u Bah D. Rapsang, District Youth Officer, NYKS Ri Bhoi; Ska Kong E. Kharnaior, kaba dei ka head of department ka sobjek Philosophy; bad u Bah Victor Suleiñ, uba dei uwei na samla pule Law na USTM.
Ki samla pule na kylleng ki Kolej ki la wan ban shim bynta ban pynpaw ïa kata ka jingai jingmut halor ka thong ka sorkara pdeng ban don noh kata kawei ka ri, kawei ka election.
La sakhi ruh jan baroh ki samla pule kiba ai jingkren ne ai jingmut halor kata ka thong, “One nation, one election, ki la kyrshan pura bad kumba ki la pynpaw la jin ba ka sorkar India ka buh tang kaweiw ka election na ka bynta ki election bapher bapher, kane kan ïarap shibun ban tyngkai ïa ka pisa paidbah bad ruh kan pynduna ïa ka jinglut jingsep bada lada lah ban pynduna ïa ka jinglut jingsep ha ka por election kan long ka jingmyntoi ba kin lah ban kyntiew pat ïa kiwei ki kam pynroi ha ki jylla bad ka ri.
