Nongstoiñ, Nailar, 31: Katkum ka kyrwoh ba la phah da u Bah P.B Marngar lem bad kiwei kiwei de ki nongkyrshan ba shitrhem jong u Bah Kimfa Marbaniang MLA Rambrai Jyrngam, ki la pynpaw ba ki paidbah Rambrai Jyrngam hi baroh kawei, ki kyrshan pura ïa u Bah Kimfa ba un ïakhun beit ïa ka Elekshon MLA na ka party NPP ha u 2023.
Ka kyrwoh ka ong ba kum ki nongkyrshan bad ki paidbah, kim don jingtip ei ei halor ka jingpynmih khubor da uwei u briew u ba kam ïalade u Wanphai Dkhar bad ki paidbah Rambrai hi kim ithuh ïa u. Ka jingpynmih khubor jong u ba u Kimfa u dei ban ïaleh na ka UDP, ka dei tang ka jingkwah shimet jong u.
Kiba bun ki paidbah ka Constituency ha kiba bun ki jingïalang paidbah ba la lum da ki nongkyrshan ha baroh sawdong ka Constituency, ki la dep ai jingmut ba u Bah Kimfa Marbaniang un ïakhun noh na ka party NPP. Kumta halor katei ka jingkynnoh utei u briew na ka liang ki nongkyrshan bad ki paidbah Rambrai hi ki kyntait mardor.
