Kyrshan ka UDP Mawlai ïa u bah Titos halor ka KHAD (Administration of Elaka) (2nd Amendment) Bill

Shillong, Nailur 26 : Ka United Democratic Party (UDP) Mawlai Circle ka kyrshan bad ai khublei kyrpang ïa u Bah Titos Chyne, CEM.barim ka KHADC uba la ïeng rangbah halor ka Khasi Hills Autonomous District (Administration of Elaka) (Second Amendment) Bill, 2023.
Ka seng baroh kawei ka ai mynsiem ïa u ryngkat ki MDC baroh ban ïeng tylli kawei ban ïai bteng ban kren ïa ki ishu jong ka ri bad ka jaitbynriew.
“Ngi sngewkmen ba ki MDC kiba don sha ka liang pyrshah ki ïeng ban kren ïa ka ishu ka jaitbynriew,” ong u bah P.T Sawkmie uba dei u Adviser jongka UDP Mawlai.
U Bah Sawkmie,u la ong ruh ba u don ka jingkyrmen ba ki paidbah kin dang ai ka jingkyrshan ïa ka party UDP.