Jowai, Rymphang 18: Ka Khasi Students’ Union (KSU) Jowai Unit mynta u snem ruh kala bteng ban ai jingïarap sha ki 8 ngut ki khynnah skul kiba wan naka longïing longsem bad ba duna ka ïoh ka kot duk da kaba ai sngewbha daki kot pule sha kitei ki khynnah skul ha ka jingïalang bala pynlong ha ophis ka seng ha kane ka 14 tarik mynta u bnai.
Ïaka program la pynïaid da u Nidapoi Shadap General Secretary Jowai Unit, la ïoh jingkren naki Nongïalam jong ka Jowai Circle da u Samla Binus Syngkon Finance Secretary, u Richard Suchiang Asst Organising Secretary bad na u President ka Jowai Unit samla Ewanmi Phawa.
Lyngba kane ka Program ka KSU Jowai Unit ka pynshlur ïaki khynnah skul ba kin minot haka pule puthi bad kyntu ïa ki kmie ki kpa jong ki khynnah ba kin peit ïaki khun ban pule hok khnang ba ka KSU kan lah biang ban kyrshan ïaki lada ki lah ban pass bha.
Na ka liang ka seng kam shongthait kan ïai trei minot ban wad lad kumno ban kyrshan ïaki samla pule ha kiwei kiwei ki liang lada ki trei minot bad trei shitom, pynkut ka kyrwoh khubor na u samla N. Shadap General Secretary.
