Shillong, K’Lyngkot 06: Ka ophis jong Jt. Director ka Health Services (SS), Civil Hospital, Shillong la pyntip ba la don uwei u nongpang uba kyrteng u Pynshai Kharsawain, ba la 46 snem ka rta, C/o PAB, Civil Hospital, Shillong ba la wanrah da ka 108 Ambulance bad ba la pynthiah pang ha Male Medical Ward-I, Bed No. 28 ha ka 24.11.2025 ha ka por 8:49 mynmiet. Une u nongpang u la khlad noh ha ka 21.12.2025 ha ka por 9:45 mynstep.
Kumta ha kaba ïadei bad kane na ka liang jong ki bor pynïaid jong ka jaka sumar ki la kyrpad ïa baroh ki bahaïing hasem bad kino kino kiba ithuh ba kin wan shim noh ïa ka met ïap napoh ka jaka buh met ïap ne ka morgue jong ka hospital mardor ne hapoh ka 3 sngi naduh ba la pynmih ïa kane ka jingpynbna paidbah.
