Nongpoh, Risaw 15: Ka Hynñiewtrep National Youth Front (HNYF), Western Zone kala buh ka jingkyrpad ïa baroh ki nongñiah kali kamai kiba kamai sha ka thaiñ RI-Bhoi Sepngi ba kin duna dor ka bai kali ïaki khynnah skul katei ka thaiñ kum ka jingkyrshan lem bad ka jingïatreilang ban kyntiew ïaka pule puthi. Haba kren sha ki lad pathai khubor, u Bah Teibor Thongni General Secretary ka HNYF, Western Zone u la ong ba kum ka seng ka kyrpad ïaki nongñiah kali ba kin shim shiteng dor ïaki khynnah skul kiba phong uniform, kumba bun naki longiing ha kane ka thaiñ ki dei kiba wan naka longiing longsem kaba duk ba jynjar bad lehse lyngba ka jingïarap lang ki nongñiah kali kamai kan long ka jingkyrkhu kaba khraw ïaki khynnah skul kiba beh ban poi sha skul man ka sngi.
