Kyrpad ïaki Sengbhalang bad Nongmihkhmat ban ïarap pynshna ïaka iing ba la jot rathai

Nongpoh, Ïaiong 11: Ki nongïalam jong ka seng Samla jong ka shnong Mawlasnai haka sngi thohdieng kila leit jngoh bad ai jingïarap ïa kawei ka longiing kaba shempap kaba dei ka longiing jong ki khun swet haka shnong Mawlasnai ha Ri-Bhoi District kiba shem jingeh namar ka jingduk jingkyrduh naduh ba ki kmie ki kpa kila khlad noh na kane ka sla pyrthei.
Katei ka longiing katei ka jong u Samla Ribal Shadap u ba dei u hynmen u ba shong ba sah ryngkat bad la ki jong ki para ha kawei ka iing kaba la jot rathai kaba ki lah ruh ban duh thiah duh dem haka por slap bad ka por ba jur lyer namar ka jingjot jong ka iing ha kaba kum ka shnong bad ka seng samla kam lah shuh ban shu kun bad rai ban pynshna da ka iing ïa kitei ki khunswet.
Naka liang ki samla jong ka shnong hapoh ka jingïalam jong u Samla Shemphang Masharing kum u President kila leit ruh ban ai jingïarap ïa katei ka longiing katba ki kot bor naka bynta ban pyntngen bad ai mynsiem namar dei tang u hynmen marwei u ba hap peit ïaka eh ka shong jong ki para bad kumba la ioh jingtip dei u Sordar Shnong ka Mawlasnai u Bah Joplin Sten u ba la kyrshan ban pynleit skul ruh ïaki.
Halor katei ka jingshem pap jong kitei ki khunswet ha katei ka shnong naka liang ka seng Samla kala ioh ruh ban ïakren bad utei u hynmen u ba la pynpaw ka jingeh kaba khraw ban peit ïaka iing ka sem marwei bad im hapeng ka jingduk jingkyrduh naduh ba ki kmie ki kpa kila iehnoh na kane ka sla pyrthei.
Shuh shuh naka liang ka seng samla kala rai ruh ban pynshna da ka iing ïa katei ka longiing bad kyrpad naduh ki kynhun sengbhalang, ki nongmihkhmat ba kin phaikhmat ban ïarap sha katei ka longiing naka bynta ban kin ioh ïaka iing ka sem ban shong ban sah ban lait naka sngi u slap bad wat ka bam ka dih bad ka pule ka puthi.