Shillong, Naitung 29: Ka ophis Additional Director of Health Services, Civil Hospital, Shillong ka la pyntip ba uwei u nongpang uba kyrteng u Biswajit Malakar ba la 50 snem ka rta C/o Shillong Sadar Police Station u la wan thiah pang ha Male Medical Ward-I, Bed No. 13 ha ka 27 tarik mynta u bnai, 2025 ha ka por 12:59 nohphai sngi. Une u nongpang u la khlad noh ha ka por 11:45 baje mynmiet ha ka 27 tarik mynta u bnai.
Kumta halor kane, ka ophis ka la kyrpad ïa ki bahaïing hasem bad kiwei kiwei kiba ithuh ïa u, ba kin wan shim noh ïa ka metïap napoh ka jaka buh metïap ka hospital mardor bad hapoh ki 3 sngi naduh ba la pynmih ia kane ka jingpynbna bad lada ym don kiba wanshim, na ka liang ka hospital kam banse ban phah bret noh ïa kane ka metïap ha ki nongtrei jong ka Shillong Municipal Board.
