Shillong Nailur 30: Ka MDC na ka 2 Nongpoh Constituency ka Kong Rona Khymdeit ka la pynpaw ïa ka jingsngew tynnad ba baroh ki 18 ngut ki MDC ka VPP ki la pynpaw ka jingshaniah bad treilang ban jied ïa u MDC ka Nongthymmai Constituency u Bah Winston Tony Lyngdoh kum u CEM ba thymmai ka KHADC.
“Phi long uba donbok ban shah jied tang na kajuh ka party hynrei haba la ïoh kane ka jingshaniah ym dei shuh pat ban kam shi kam ba dang dei ka kam kaba thymmai bym pat don jingtbit ne experience khnang ban lait na ki jingshah artatien na ki paidbah ïoh ki suba biang ba ïoh don eiei sha lyndet ba iehnoh kam kyndit u CEM barim, kumta kum u CEM ba thymmai phim dei ban pynrah shkor biang ïa ki paidbah bad ïa ki MDC khnang ban ym dkoh ki kam ka council, namar tang ha kine ki por ba la dep ka council ka la duhnong bha ba khlem ïoh pynïaid beit ïa ki kam naba hap shim bun ka por lano ban ïoh CEM thymmai biang,” ka la pynpaw.
Ka la kyntu ïa u Bah Tony ba un ïaineh beit haduh ba kut jong kine ki 4 snem shiteng watla hap mad bun ki jingeh ha baroh ki liang.
Ïa kine ki kyntien ka la pynpaw ha ki jingkren ai khublei bad kitbok kitrwiang ïa u CEM ba thymmai ka KHADC bad kumjuh ruh ka jingkoit jingkhiah kaba kloi jong u CEM barim u Bah Shemborlang Rynjah.
