Shillong, Jylliew, 20: Ka Shnong Gilaronga ka shnong kaba la buhai shnong da ki Garo kaba hap hapoh ka Ranikor, West Khasi Hills District ka la mad ïa ka jingkyrduh bam hadien ba ka surok PWD kaba pynïasoh ïa ka Ranikor sha Baghmara ka la shah ktah na ka jingtwa khyndew bad kaba la ktah ïa ka leit ka wan jong ki kali na ka jingther jong u lapbah uba jur ha baroh kawei ka jyll.a
U Publicity Secretary jong ka All Khasi Hills A’chik Federation (AKHAF) u Sanggra Marak ha u kyrwoh u la pyntip ba ki shnong khappud kiba don hapoh ka South West Khasi Hills ki long ka Moheshkola, ka Ranikor bad ka Ryngku bad kynthup ruh ka Rengdim bad ka Kallu kaba hap hapoh ka Mawshynrut C & RD Block, West Khasi Hills.
Ki paidbah kiba la shah ktah la hap ban pynsah ha ki jaka sah ba shipor ki la pan jingïarap na ka Sorkar Jylla bad na ki bor ba dei peit ban phah ïa ki lad jingïarap ha kum kane ka por ba ki la mad ïa ki jingshah lynshop ha ki bor ka mariang.
