Kyntu u WS Lumtrep ïaka longkmie ban ujor sha ka aiñ lada ki jingkynnoh ki long kiba shisha

Jowai, Jylliew 02: U Waheh Shnong ka Lumtrep West Jaiñtia Hills District mynta ka sngi iathuh ba hadien ka jingpynmih khubor biang jong ka kong Linda Nongkrem halor ka jingduh khaw rashon bad jingbyrngem tait shnong, utei u Waheh Shnong ma Ebormi Pale bthah syndon ïa katei ka longkmie ba kan ujor sha ki bor jong ka aiñ lada ki jingkynnoh jong ka ki long kiba shisha.
U ula pyntip hadien ba la ïohi ïa kane ka khubor kaba la mih biang ha ka 31.05.2022 na ka liang ka shnong ka la shim biang ïa ka jingïalang mynta ka sngi ka 2 tarik u Jylliew. Ha kane ka jingïalang da kawei ka jingmut kila rai lada dei shisha ba katei ka jingkren jong ka longkmie ka kong Linda Nongkrem ki long kiba shisha, ka shnong kala kyrpad ia ka Linda Nongkrem ban leit ujor noh sha ki bor jong ka aiñ ym ban kren ne pynpaw pyrthei tang ha ki lad pathai khubor.
Ha ka juh ka por ka Dorbar kala rai ban ai por sa ar sngi ïa ka kong Linda ba kan leit ujor ïa katei ka kam bad lada kam ujor ka pyni ba ka kwah tang ban pynjah burom ïa ka shnong bad ïa u Waheh Shnong.
Ula pyntip ba lada katei ka longkmie kam leh ei ei ha kine ki ar sngi, ka shnong lyngba u Waheh Shnong kan leit ujor noh da ka Defamation Law halor ka jingpynjah burom jong ka ïa ka shnong ka thaw, pynkut ka kyrwoh na u Waheh Shnong ma Ebormi Pale.