Jowai, Lber 29: U Superintendent of Police ka West Jaiñtia Hills u B. D. Marak, (MPS) ula pyntip paidbah ba ki pulit dang ha kane ka 26 tarik u Lber, 2022 ha ka por 6 shiteng janmiet kila ïoh tam ïa kawei ka met ïap jong uwei u briew bym lah ban ithuh kaba la thiah lyntar harud surok NH-6 hajan ka shnong Ialong bad la suba jur ba utei u briew u lah ban shah lymbub ha ka kali.
Ïa katei ka met ïap ki pulit kila leit buh ha ka jaka buh metiap jong ka Jowai Civil Hospital (Morgue Room), la pyntip haduh mynta ym pat shem la don kiba wan kam ïa katei ka met ïap.
Halor kane ka jingjia ki pulit kila dep ban register kes ha Jowai PS Case No. 32(03)2022 U/S 279/304(A) IPC ban ïoh leh ïa kaba donkam.
Utei u briew ba ïap u don ka jingjrong kaba 5.2 phut, u shñiuh ba ïong, ka durkhmat ba pyllun, uba phong ïa ka patlun rong ïong bad ka Jacket ba ïong, u don ruh ka dak ing ding ha ki bynta ka shadem.
La pyntip kino kino kiba don jingtip shaphang jong utei u briew ki lah ban ai jingtip da kaba shu phone ha kine ki no Jowai PCR: +919774065467/ 03652-220050, kumjuh ha u I/O ba dei peit ia katei ka kes: +917085965271.
