Jowai, Ïaïong 28: Ka ophis jong u Deputy Commissioner ka West Jaiñtia Hills District kala pyntip naduh ka 24 tarik Ïaïong, 2022 haduh ka 1 tarik u Jymmang, 2022 kan don ka jingpynsngewthuh ïa ki nongrep shi bynta na ka jingthmu ka sorkar India ban pynrung kyrteng ïa ki hapoh ka Kisan Bhagidari Prathmikta Hamari.
Baroh ki nongïoh myntoi kiba la dep pynrung kyrteng ha ka PM-KISAN la kyntu ba kin leit mih sha ki Bank ba marjan ban pynshisha ïa ki PM-KISAN account jong ki ban ïoh ïa ka Kisan Credit Card (KCC) na ka bynta ban suk ka rukom pynpoi ïa ka pisa.
Shuh shuh la pyntip ba ki nongïoh myntoi hapoh ka PM-KISAN ki lah ban pynshishi ban ïoh beit ïa ka KCC da kaba leit mih sha ki Bank (branch) ryngkat ki kot pynshisha ban ïoh leh ïa kaba donkam.
La pyntip ruh ïa ka KCC la pynjlan ban pyntreikam na ka bynta ki nongrep ha ka kam ri jingri bad ka kam ri dohkha da kaba kin pyntip sha ki Bank na ka bynta ka jingmang pisa kaba ki dei ban ïoh.
Baroh ki Banks la bthah ïa ki ban pynlong ïa ka Special FLC/camps ban pdiang ïa ki Aplikeshon KCC jong ki nongrep bad kan kynthup lang ïa baroh hapoh ka Social Security Schemes (PMSBY, PMJJBYAPY).
Ki ophisar jong ki tnad ba kynthup ïa ka Agriculture, Animal Husbandry, Fisheries and Community and Rural Development Department kumjuh ïa ka (Bank Sakhi hapoh ka NRLM) kin pynlong ki jingai jinghikai ïa baroh ki nongïoh myntoi na ka PM-KISAN khnang ba kin leit mih sha ki branch jong ki kiba ki don PM-KISAN account ban pynrung noh hapoh ka KCC.
