Khliehriat jylliew 22: Kum ka lad ban ïada na ka khlam covid-19 la ka dei ïa ka lade shimet bad ïa ka iïng ka sem baroh kawei, u Deputy Commissioner ka East Jaiñtia Hills, ha ka hukum ba la pyllait u la kyntu jur ïa ki paidbah ba ki dei ban shim bad pyndep ïa ka injek covid-19, la bthah ruh ba kito ki rangbah, ki tymmen, ki samla ba la kynjoh 18 snem kyrta bad ki khynnah kiba 12 snem kyrta ki dei ban shim ïa kane ka lad jingiada ban lait na ka jingpang covid-19.
La pynkynmaw ruh ba ki paidbah ki dang dei ban bud ïa ka rukom im, kiba dei ki kyndon ban ïada na u Covid-19.
