Kyntu u bah P.T Sawkmie ia ka sorkar ban thungkam pura ïa ki Casaual bad ïatai ïa ka Roster System

Shillong, Nohprah 08 : U Bah PT Sawkmie, MLA barim ha ka sngi Thohdieng ka 05 tarik u Nohprah u la ïa kynduh ïa ki khun samla bad u la ïoh ban ïakren bad ki halor ka jingeh haba ïadei bad ka ïohkam ïohjam jong ki ha kine ki sngi.
Kumta haba ïadei bad kane ka jingkyrduh kam u bah Sawkmie u la kyntu ïa ka sorkar ba kan regularize ne thungkam pura noh ïa baroh ki casual bad ban ïa tai ïa thir bha ruh ïa ka roster system khnang ban ïa biang lang baroh.
Naba kumba ka long mynta ki Khasi Jaintia ki duh nong bha na ka roster system, ong u bah Sawkmie.
Ha kajuh ka por u kyntu ruh ïa ki MLA kiba don ha ka sorkar bad wat shabar kin shimkhia haba ïadei bad ka roster system, kaba ktah bha mynta ïa ki khun samla ha ka jingïohkam ïoh jam.