Kyntu u Bah Adelbert ïa ka sorkar ban pyllait noh ïa ki bill ba dang sah ki contractor

Shillong, Nohprah 22: U MLA ka North Shillong, u Adelbert Nongrum, ha ka sngi Nyngkong u la kyntu ïa ka Sorkar Jylla ban pyllait noh ïa ki bill kiba dang sah jong ki kontraktor bapher bapher.
Haba kren sha ki lad pathai khubor, u Nongrum u la pynpaw ïa ka jingsngewkhia namar ba bun na ki kontraktor ki la shah ktah jur na ka jingpynslem jong ki tnat bapher bapher ban pyllait ïa ki bill kiba dang sah.
Kat kum ka jingiathuh u Bah Adelbert, ki kontraktor ki long ki nong bynta ba kongsan ban pynthikna ïa ka jingïaid beit jingïaid ryntih jong ki prokram pynroi bapher bapher jong ka Sorkar.
U la ong ruh ba ka dei ka jingkitkhlieh jong ka Sorkar ban pynthikna ba ki kontraktor kim dei ban shah pynsniew ne shah ktah namar ka jingslem ban pyllait ïa ki bill kiba dang sah.
“Ka sorkar ka dei ban pynleit jingmut bha ha kaba ïadei bad ki Contractor namar ba kila pynlut ïa ka pisa ïa kaba ki pyntrei ïa ki project kiba ym shym la pat mang pisa,” u la ong.