Jowai, Risaw 07: Ka Hynñiewtrep Integrated Territorial Organisation (HITO) Jowai Circle da ka jingsngewsih kaba khraw halor ka jingkhlad kyndit kaba sngewsih jong uwei u khynnah skul Class-XI na North Liberty Higher Secondary School, Jowai kaba la pynkyndit ha baroh kawei ka shnong ka thaw.
Na ka liang ka seng ka ong katno ka long kaba sngewsih ban ïohi ïa ka jingïap kum kane, khamtam ba u dang dei u khynnah skul uba dang don shibun ki sap bad ka lawei ha ka jingim.
Ka seng mynta ka sngi ka la ïoh ban leit aiti da ka jingthoh bad kyntu jur ïa ka ophis u SP, Jowai ban pynlong da ka jingtohkit kaba bniah da kaba hok bad kaba shai kdar halor ki daw kaba la wanrah ïa ka jingïap ïa utei u khynnah, khnang ba ka jingshisha kan mih shakhmat na ka bynta ban ïoh ïa ka hok.
Ha kajuh ka por ka HITO ka kyntu ïa katei ka ophis bad ki tnad treikam ba dei peit ba kin shimkhia ban pynkhlaiñ shuh shuh ïa ki lynti jingïarap bad ban ai jinghikai ïa ki lad ban wanrah ïa ki lad jingïada.
