Jowai, Naitung 30: Ka Hynñiewtrep Integrated Territorial Organization (HITO), Jowai Circle, hadien bala ïoh ka jingujor na ki nongleit nongwan lyngba u surok sha shnong Chyrmang, hapoh ka jingïalam u Deibormi Siangbood General Secretary HITO Jowai Circle, ha kane ka 29.07.2025 kila leit ban ïa kynduh ïa u Executive Engineer ka (PWD) South Division Jowai ban kyntu na ka bynta ban pyntrei kloi noh ban buh da ki jingker ïada ne ka WM Steel Crash Barrier, khnang ban shngaiñ ki nongleit nongwan lyngba u surok Jowai sha shnong Chyrmang, khamtam ïa ki nongwan jngohkai (Tourist) kiba wan na ki wei pat ki jaka jong ka ri.
U General Secretary ka HITO Jowai Circle, ula buh ka jingkyrpad ruh ï u local MLA ka Jowai khamtam ruh ïa u Deputy Chief Minister u ma Sniawbhalang Dhar, ba un pyntrei kam kloi na ka bynta kito ki briew jong ka shnong kiba pyndonkam ïa utei u surok, khnang ba kin lait na kine ki jingeh ha ka leit kawan jong ki.
